吳若希宣布奶奶離世噩耗 心情難過避免社交：靈魂都是灰色

吳若希（Jinny）今早喺網上發文悼念一手湊大佢嘅奶奶離世，指奶奶已離開十幾日，但吳若希心情仍難以平復，如常生活但避免社交，「還好現在有自己的孩子，要不然真的不知道自己人生目標是甚麼」，吳若希希望專注工作，知道自己活得好，奶奶就會開心。

吳若希今早喺網上發文悼念一手湊大佢嘅奶奶離世。
吳若希早上喺IG撰文稱一手帶大佢嘅奶奶離開了，指十月第二天，本來已籌備好自己同小朋友嘅假期活動，當時接到噩耗，頓時腦內一片空白，只想快啲帶家人返屋企見奶奶最後一面，吳若希續道：「慶幸自己的情緒（可能）沒有想像中崩潰，畢竟這位二戰前出生的老可愛離開得那麼安祥那麼平和，應該是上天對她最最最好的安排。」

吳若希心情難以平復，雖然如常生活但避免社交。
吳若希指奶奶離開只係十幾日，「怎麼過得那麼長，好像過了幾個月的感覺」，吳若希喺呢段時間如常生活但避免社交，因為佢覺得自己連笑嗰陣，背後嘅靈魂都係灰色，「以前工作、做好自己，是為了給爺爺奶奶看，還好，現在有自己的孩子，要不然真的不知道自己人生目標是甚麼」。

吳若希當時接到噩耗，頓時腦內一片空白，只想快啲帶家人返屋企見奶奶最後一面。
吳若希明白只要自己活得好，奶奶先會開心，所以佢想好好完成手頭上嘅工作比較重要，「好好做好江門演唱會，好好宣傳，好好和愛我的人相處」。