陳展鵬單文柔結婚6周年曬恩愛 開香檳慶祝明年踏入七年之癢

陳展鵬同老婆單文柔（Phoebe）喺2018年結婚，育有女兒「小豬比」，一家三口幸福美滿，轉眼間迎來結婚6周年，單文柔噚日喺IG貼出恩愛合照，見二人開香檳慶祝，更笑問明年踏入七年之癢，唔知老公陳展鵬有冇信心披荊斬棘？

單文柔噚日喺IG貼出恩愛合照，見二人開香檳慶祝。
單文柔喺社交平台分享3張相片並寫道：「根據非正式統計，發現每年嘅10月都係事端特別多，決定特別多，爭吵特別多，今年都唔例外。慶幸，我哋今年最後可以好好一齊吃個晚飯！明年，踏入七年之癢，陳展鵬你有冇信心披荊斬棘？」

單文柔笑問明年踏入七年之癢，唔知老公陳展鵬有冇信心披荊斬棘？
陳展鵬同單文柔喺IG貼出一條「You Are My Cup of Tea」影片，二人分別扮跳入對方嘅茶杯，跟住扮飲大晒恩愛！單文柔指原本嗰日係約攝影師出去影啲嘢，咁啱陳生嗰日提早收工嚟接佢，就即興諗到拍呢條片。

單文柔指原本嗰日係約攝影師出去影啲嘢，咁啱陳生嗰日提早收工。
陳展鵬就浪漫回應：「究竟你係我杯茶，定係我係你杯茶？其實有咩所謂，眨吓眼就六年，感恩這個階段，回味這些經歷，分享彼此感受，共同面對將來。」

二人分別扮跳入對方嘅茶杯，跟住扮飲大晒恩愛！單文柔2018年與比她大13年的陳展鵬結婚，婚後誕下囡囡「小豬比」。