張慧儀19歲阿仔手術後康復理想 修讀神學課程支持媽咪復出

張慧儀與19歲養子張晃維（Hanson）呢日出席慈善活動，患先天性心臟病嘅Hanson，自從2018年做心臟手術成功後，一直康復進度理想，Hanson好多時都跟住媽咪出席慈善活動。

張慧儀同養子Hanson一齊現身慈善活動
慧儀本身係呢個基金會委員之一，呢11年有基金會陪伴同幫助，面對阿仔成個手術嘅過程，慧儀好有勇氣去面對，過去一直努力搵錢為Hanson醫病，慧儀喺內地省市居住，而家阿仔回復健康，慧儀決定暫時返港定居，回想之前嘅生活確係一啲都唔易。
張慧儀話Hanson康復情況良好，有意復出幕前

慧儀又指只要阿仔乖同聽話就係最好嘅回報，笑指阿仔好怕醜，Hanson目前修讀神學課程，阿媽多咗Me Time，佢都好期待有好劇本演出，再同大家見面，佢都想遇到適合自己嘅角色，阿仔亦好支持媽咪復出。

張慧儀全心全意照顧Hanson，如今佢亦非常支持媽咪復出