率先聽靚聲！黃劍文搵譚輝智擔任個唱嘉賓 認難加場盼明年開Part 2

黃劍文（Kimman）將於10月22號舉行個人演唱會，仲有唔夠一星期開騷，近日佢忙於綵排練歌，Kimman除咗搵到女神周慧敏做嘉賓，《中聲2》戰友譚輝智亦係嘉賓之一，呢日佢哋唱出《真情流露》，等歌迷率先聽吓佢哋把靚聲！

為咗支持Kimman，開騷當日雖然撞正輝智爸爸生日正日，黃劍文請嚟譚輝智做演唱會嘉賓。不過輝智都照撐兄弟，身邊嘅Kimman都有邀輝智爸爸到場，輝智透露爸爸唔敢上台唱歌；而Kimman同輝智就冇講二人會合唱咩歌，保留一啲神秘感，但係輝智一定會唱《多麼感激》。
演唱會當日撞正係輝智爸爸正日生日。
Kimman喺排舞嗰陣收到門票售罄，笑指啲人通常係見到冇飛先想嚟買飛，而且Kimman話場地方面係冇得加場，可能要等出年開Part 2；講到佢日前驚喜客串《愛‧回家之開心速遞》飾演小巴司機，Kimman坦言一開始擔心有負評，而輝智笑言下次演小巴乘客。