廉政行動2024即將首播 深入廉署大樓心臟地帶取景

台慶劇《廉政行動2024》即將於10月21日晚9點30分喺翡翠台隆重首播，一眾演員包括陳山聰、張曦雯、羅子溢、蔡潔、陳星妤等齊齊出席首映禮，廉政專員胡英明同電視廣播有限公司行政主席許濤先生先後上台致詞，胡英明話劇集深入廉政大樓心臟地帶取景拍攝，包括大型拘捕行動嘅總指揮中心，大家可以透過劇集見到平時絕對唔會開放嘅地方，所以非常難得。

電視廣播有限公司行政主席許濤。廉政專員胡英明。

許濤先生就話廉政系列劇集充份反應出廉政人員打擊貪污嘅決心，TVB會繼續配合廉政公署，將反貪嘅重要訊息傳遞比香港市民。
陳山聰話今次嘅拍攝方法好新鮮。
為求逼真，今次成個製作都有別於以往嘅拍攝方式，山聰就覺得好新鮮，佢大讚製作認真，希望每個單元都可以帶比觀眾觀看上嘅刺激。蔡潔係最後一個單元嘅重要人物，佢預告劇情會反轉再反轉，自己淨係睇劇本都用咗好多時間。
張曦雯於劇中要扮演孕婦。鄺美雲都有到場。
Kelly今次就飾演首席調查主任，佢喺劇中要經歷懷孕過程，成三個月嘅拍攝期都要戴住假肚，不過講到最難忘嘅經歷，佢就話係同子溢嘅對手戲，因為可以展現出柔情一面。
羅子溢
子溢同太太楊茜堯今次有份參演唔同台慶劇，佢預告嚟緊一連串台慶嘅相關活動，兩公婆都有機會拍住出席，自己都好期待。

台慶劇《廉政行動2024》10月21日 21:30 翡翠台