中年好聲音3｜何基佑老婆低調入圍百強 鍾凱瑩身世複雜重拾歌手夢

淨係海選都足足花4日時間嘅《中年好聲音3》，今晚正式同大家公開香港區嘅百人誕生過程，其中除咗下晝已經同大家經官方新聞稿介紹過嘅部份參賽者之外，亦包括鍾凱瑩 Charis，身為一對子女媽媽嘅佢，係電台主持嘅 何基佑 太太。

何基佑太太鍾凱瑩入圍《中聲3》百強
呢對結婚已13年育有一對子女嘅教友夫婦，擔任電台工作之餘亦不時為教會服務，不過幸福生活嘅背後，Charis就有一個並不愉快嘅童年生活。父母皆為聾人嘅Charis，小學時因父母離異，同細佬曾入住兒童之家逾10年，亦因缺少家人關愛，少年時期更曾行差踏錯。
Charis直認年青過往曾行差踏錯，亦因父母離婚曾居兒童之家多年

Charis於過往專訪提起認識 何基佑 拍拖之後慢慢改變，性格變得正向樂觀，與父母關係亦大為改善，除咗擔任主持工作外，亦不時向社會各界推廣手語。
2011年佢名何基佑結婚，育有一對可愛子女

過往Charis不時參與福音歌曲演唱，今次參賽何基佑就為太太重拾歌手理想感到非常興奮，仲一早出Post呼籲大家收睇太太初登場，而外號「車仔」嘅Charis亦都指對自己喺節目中首次登場非常緊張咁話。

何基佑仲公開太太勤力練歌備戰嘅相片

Charis身兼KOL、電台主持、媽咪等任務，仲會抽時間推廣手語