古天樂生日筵開60席與Fans同慶 全晚笑唔停迎周一54歲生日

近年製作唔少成功電影，又對行內發展默默發力嘅 古天樂 ，聽日就踏入54歲生日，星期六佢率先同一直支持佢嘅Fans Club成員喺尖沙咀舉行生日會一齊慶祝，生日會開足60圍，除咗古仔來自各地嘅Fans之外，古媽媽亦邀請一班圈中好友好似 佘詩曼媽媽 葉子媚 邵音音 吳麗珠 魯振順 等到場一齊熱鬧吓。

古天樂同一班Fans齊齊預祝54歲生日

Fans嘅祝福語寫滿多張大壽牌
一身黑色打扮配以灰色西裝外套出現嘅古仔，同大家合照時笑得非常開心，而現場仲見到 「城寨四少」之一嘅 胡子彤 同 區永權 ，相信佢哋各自負責表演同主持工作喇。呢晚Fans分別送上唔同一早準備好嘅禮物，又有唔同演出助慶，現場仲見到一個三層巨形蛋糕，氣氛非常熱鬧。
除咗古媽媽外呢晚胡子彤同區永權都有參與

古媽媽嘅大班好友亦都應邀出席

有內地來港參加嘅Fans事後留言，就指整晚大家都非常高興，仲話原定即晚就離港，不過就因為古仔早前呼籲大家支持香港旅遊業，於是就留港過夜再遊覽以作支持。

有Fans仲指響應古仔呼籲，留港過夜消費同遊覽