陸浩明偕女友越南浪漫慶生 為女友用心佈置生日會曬恩愛

陸浩明 同女友 陳詩欣 拍拖足足11年，兩人平時經常周遊列國。日前Ayan生日，出名係廿四孝男友嘅6號，就梗係花盡心思為女友慶生啦。呢次6號就帶女友飛去越南享受陽光與海灘，6號更喺泳池邊為女友舉行咗一場小型生日會。

6號同女友Ayan又出發去旅行，今次仲係Ayan嘅生日之旅

佢哋盡情享受當地陽光與海灘
6號同Ayan不嬲都好有儀式感，生日會亦非常用心為女友佈置，6號話啲汽球Props都係女友事前準備好晒，而佢就負責執行吹氣球工作，見社交平台嘅相同片中，6號手法非常純熟，好快就搞掂，完全難唔到佢。喺咁浪漫嘅氛圍下一齊慶生打卡，真係幸福又甜蜜喇﹗
6號為女友慶祝時一腳踢

又狂吹氣球佈置

去越南就梗係離唔開同陽光玩遊戲，Ayan亦著比堅尼嚟個大解放，佢哋擦防曬乳時，仲為對方畫上心型圖案，佢哋拍拖咁多年，都好似熱戀咁sweet，難怪6號成日都被追問幾時肯封盤迎娶女友啦。 

去海灘又點少得比堅尼呢？

以心心形狀搽防曬，唔知6號塊面會唔會有印呢？