林峯笑稱健身絕非為除衫騷肌 珍惜每月返上海與妻女相聚時光

林峯一向著衫型格十足，卻自認易肥易瘦體質，閒時都要keep住健身，呢日佢為健身中心擔任揭幕嘉賓，阿峯話平時唔敢偷懶，嚟要為明年5月演唱會健身做準備。

林峯呢日參與健身室開幕活動，不過強調非為騷肌而做Gym
阿峯笑稱健身絕非為除衫騷肌，只係想保持身型靚咁穿搭先好睇，同埋希望喺舞台上更靈活、拍戲動作更乾淨俐落，整個人精神狀態更加好。阿峯嚟緊工作排得密密麻麻，佢未知《九龍城寨》最終章幾時開拍，皆因好作品前期需要好多人力物力去籌備，阿峯知道劇本已有初稿。
佢又提到《城寨》續作嘅籌備情況

阿峯平時為咗工作要周圍飛，坦言阿女大得好快，佢好珍惜每月返上海同阿女嘅見面時間，平均一個月就要返上海見妻女，阿峯指阿女目前太細個，要一個小朋友坐喺度兩個半鐘，阿峯擔心愛女唔自在，所以阿峯要到時睇吓情況，又或者等阿女再大個啲，先安排阿女睇演唱會。

林峯有女萬事足，幾忙每個月都要抽時間同太太乖女見面