吳大強再登船演出要特別練武 李佳睇好外籍老友出戰《中聲3》

吳大強、李佳、劉可三位中聲歌手呢日再次到船上登台，同粉絲們一齊遊船河、晚餐同唱歌表演，佳佳又唱又跳演出《自作多情》，大強就獻唱佢嘅飲歌《上海灘》，劉可雖然演唱感性曲風嘅《當年情》，但在場嘅粉絲都好熱情，紛紛要求握手。三位喺合唱環節時氣氛就更高漲，被船上Fans重重包圍，對熱情嘅粉絲來者不拒，場面熱鬧。
吳大強、李佳、劉可三位中聲歌手再次到船上登台。
中聲歌手們頻頻到船上會粉絲，大強同佳佳非首次登船演出，佳佳話對上一次係年初嘅事，同今次氣氛又好唔同，為咗隆重其事場合，佳佳特意穿一件中國風嘅連身裙嚟見大家。而劉可亦覺得呢類演出好好玩，艘船仲會喺維港繞一圈，令佢享受演出同時又可以欣賞香港夜景。大強就形容同佳佳合作簡直係夢寐以求，專登揀咗首英文歌合唱，事前有啲緊張，要特別練歌。
吳大強有唔少fans。大強獻唱飲歌《上海灘》。
《中年好聲音3》競賽進行如火如荼，佳佳更有位外國朋友Dan James都係參賽者之一，作為師姐嘅佳佳都有過啲貼士畀朋友，令佢更易掌握唱廣東歌曲秘訣，又大讚朋友表現有水準。
劉可。佳佳話對上一次登船獻唱已經係年初嘅事。