熊黛林嫁郭可頒8周年鮮花小蛋糕低調慶祝

熊黛林 2016年嫁予郭可盈細佬郭可頌，婚後嘅Lynn誕下一對可愛孖女Kaylor同Lyvia，一家四口仲不時出遊唔同地方遊歷，非常親密。轉眼兩位得意Twins已經6歲，而Lynn同丈夫亦慶祝結婚8周年，Lynn喺社交平台Post出同老公簡單慶祝嘅情況，一束鮮花、小小蛋糕同幾張甜蜜合照已經顯示到愛意滿瀉喇。

阿Lynn出Post同老公慶祝結婚8周年

阿Lynn同老公郭可頌曾拍攝非常火辣又有型嘅合照

一家四口生活非常溫馨
專職二手名錶買賣嘅郭可頌早前新店開張老婆阿Lynn亦有現身力撐，又曾喺社交平台邀請老公任嘉賓，講解買賣嘅要點，實行齊齊做生招牌。Lynn自從做媽咪之後，幕前工作就比以前減少，盡量抽時間陪住寶貝女成長，不過近日佢哋拍嘅短片中，郭可頌就呷醋指老婆大部份時間都陪住兩個女，時間分配大細超咁話喇。