崔始源來港舉行擊掌會騷廣東話 預告SJ或舉行世巡慶出道20周年

韓國男團Super Junior成員 崔始源 日前現身香港一個商場出席擊掌會，始源更大騷廣東話同Fans打招呼，令大家被佢冧得尖叫連連。雖然始源自認冇咩購物欲，不過就鍾意品嚐美食。難得嚟到香港，始源除咗食小籠包，仲特地相約韓國人氣廚藝比拼節目《黑白大廚》嘅評審安成宰，品嚐安大廚嘅廚藝。始源大讚佳餚美味之餘，仲形容同安大廚見面係共度一段歡樂時光。

崔始源來港同Fans見面，仲相約《黑白大麼》嘅安成宰師傅見面

呢日擊掌會佢仲加送抱抱，非常親切

始源原定來港行程仲包括參加帆船賽，不過賽事因為打風改期至明年舉行，令佢都大感可惜。始源亦同大家分享，佢當初喺帆船賽同騎馬比賽之間做選擇，最終揀咗帆船賽，但估唔到會遇上延期。 Super Junior明年就出道20周年喇，始源就話，雖然目前未有實際計劃可以透露，但既然係20周年，應該會有世界巡迴演出計劃！

佢又提到明年係SJ成軍廿周年，將有機會再辦世界巡迴