鄭嘉穎為老友黃智賢澄清未夠60歲 黃百鳴唱《記憶棉》爆紅拒絕商演

鄭嘉穎、曹敏莉（Mandy）、黃百鳴等藝人呢日出席「健康美麗大賞2024」，由陳細潔、陳小寶經營嘅品牌喺呢個頒獎禮上連續25年蟬聯全場唯一最高榮譽「至尊榮譽大獎」以及多個獎項，再破業界紀錄，兩位好開心一直得到客人支持。 嘉穎同Mandy為品牌擔任多年代言人，注重健康保養外更注重家庭樂。

嘉穎同Mandy為品牌擔任多年代言人，注重健康保養外更注重家庭樂。

近日嘉穎全家為黃智賢（Ben）慶祝生日，嘉穎三個仔仔氹到契爺阿Ben冧一冧。不過嘉穎呢日就特別為老友澄清，向大家解釋阿Ben仲未「登六」，大家唔好搞錯啊！ 

嘉穎呢日就特別為老友澄清，向大家解釋阿Ben仲未「登六」。

Mandy一家早前去杜拜旅行玩得非常愉快，而佢13歲大女被大讚似足媽咪，好有潛質入行。不過Mandy就話囡囡目前未打算入行，反而鍾意睇書寫作，等阿女大個再決定要唔要入演藝圈。 

百鳴哥因翻唱MC張天賦嘅《記憶棉》而喺網上爆紅。

百鳴哥因翻唱MC張天賦嘅《記憶棉》而喺網上爆紅，佢話收到唔少邀約請佢唱歌，之但係被佢一一拒絕！皆因百鳴哥認為自己只係鍾意唱歌、鍾意玩，唔係用唱歌嚟搵食。至於講到會唔會考慮同MC Jam返次歌，百鳴哥話冇諗過，不過自己都好欣賞MC。百鳴哥又透露自己最近聽緊Coldplay嘅歌，仲叫人幫手搶佢哋嚟香港開演唱會嘅飛添！ 百鳴哥雖然年屆78，不過身材仍然Fit爆，早前佢更喺社交平台曬出腹肌照，唔少網民讚佢有料到，百鳴哥都有啲怕羞，仲話老婆冇讚過佢啊！