衛詩雅明年出嫁搵陳家樂擔任姊妹團八卦聽婚宴奇事「新郎伴娘有輘輷」！

39歲衛詩雅（Michelle）與拍拖2年半嘅從事醫美嘅醫生男友周祉安（Kenley）將喺明年2月行禮及舉行婚宴，衛詩雅同未婚夫目前努力籌備婚禮事宜，準新娘同父母試菜、揀相整婚禮成長片段、準新娘試裙褂，佢噚日喺自家YouTube頻道分享Big Day試妝，務求以最美妝容亮相於親友面前。

衛詩雅噚日喺自家YouTube頻道分享Big Day試妝，務求以最美妝容亮相於親友面前。
準新娘衛詩雅終於公布姊妹團陣容，陳家樂、周家怡及李蘊等圈中人，衛詩雅讚家怡係最強助陣，有咩都可以頂到，佢笑指有諗過搵許靖韻（Angela）做姊妹，但係有感Angela太唔可靠，到時長期補妝，就唔敢勞煩Angela。

衛詩雅喺影片中仲好奇問化妝師喺婚宴上遇過有咩特別嘅事。

衛詩雅喺影片中仲好奇問化妝師喺婚宴上遇過有咩特別嘅事，化妝師話試過有奶奶同外母分別畀大利是，要求自己個妝要靚過對方，二人喺婚宴上鬥靚，又有啲奶奶當婚宴當日係自己婚禮，奶奶換衫次數仲多過新娘；又試過婚宴上見到新郎同伴娘趁冇人即拖手有「輘輷（景轟）」，又遇過新郎父親喺婚宴當日離世，所有男家親友冇出席等。化妝師又指有啲新娘好計較，專搵啲好肥、好矮嘅姊妹嚟襯托自己好靚。衛詩雅聞言即忍唔住大笑！

衛詩雅日前同未婚夫秘訪位於堅道嘅聖母無原罪主教座堂，去教堂綵排為婚禮預演。
衛詩雅日前同未婚夫秘訪位於堅道嘅聖母無原罪主教座堂，去教堂綵排為婚禮預演，而衛詩雅早前同父母去酒樓試菜，爸爸透露曾擔心阿女嫁唔出，指阿女幾難忍受，脾氣火爆有咩唔啱就講晒出嚟，而衛詩雅父母就畀未來女婿八十幾分，話等熟絡啲先加多20分！