馮素波開騷憶起父女情 感觸落淚喊足15分鐘

馮素波呢日喺戲曲中心開騷賀80歲大壽，妹妹馮素雲及好友更一齊演出大合唱，波姐本來希望透過呢個騷帶出傳承嘅意義，特意搵嚟契仔嘉駿同後輩杜大偉及鄧永健齊齊演出，可惜最終未能成事。
馮素波開騷紀念馮峰。馮素波開騷紀念馮峰。
波姐解釋係因場館指非正式歌手演出，要收取高昂上台費，波姐坦言難為契仔等人，而波姐今次開騷主題為咗紀念馮峰逝世，喺演出時勾起好多父女之情，一度感觸落淚，波姐唱第一首歌已泣不成聲，憶起亡父及先夫，喺後台喊足15分鐘。
佘詩曼媽媽與古天樂媽媽都有到場支持。