周渝民演出話題性劇集大挑戰 橫誇二十年角色最愛後生時

由周渝民、薛仕凌等主演，探討人性同社會議題嘅劇集日前喺台北宣傳，呢日兩位聯同白潤音、劉子銓等演員齊齊出席，劇集第一輯播出時造成極大熱議，更令賈靜雯封金鐘獎視后，相隔五年以全新故事同新班底推出續集，睇到預告片令人期待，而仔仔呢次嘅角色仲好有挑戰性，佢會演出一位精神科醫生，橫誇20年之間佢由一位溫暖又開朗嘅性格人，走下坡變成陰沉、憂鬱人生。

周渝民、薛仕凌等呢日現身新劇宣傳。

仔仔以為自己拍攝完約半年已經走出角色，但估唔到重溫片花時，佢笑言再次受到傷害。故事時間橫跨20年，仔仔要拿捏好後生同中年嘅神態已經好有挑戰性，不過佢好享受投入後生時嘅拍攝。
仔仔笑言自己重溫片花時再次受到傷害。
薛仕凌係上屆金鐘奬視帝，會聯同今屆新鮮出爐嘅金鐘奬視后楊貴媚演兩母子，有唔少對手戲，佢都好開心有呢個機會同前輩合作，尤其兩人互動場面時媚姐有助薛仕凌入戲，令佢印象好深刻，雖然戲劇拍攝完畢，但私下遇到媚姐時仍存在一種好親切感覺。

薛仕凌同今屆新鮮出爐嘅金鐘奬視后楊貴媚演兩母子。