區瑞強演唱會滿載親情 胡楓攜四曾孫同台溫情演出

區瑞強（Albert）噚日喺伊利沙伯體育館舉行首場演唱會，全場座無虛席。Albert首場演唱會邀請胡楓（修哥）與四位曾孫；麥潔文（Kitman）及女兒陳薔天；彭家麗及弟弟彭皓峰擔任嘉賓，親情滿滿。

區瑞強噚日喺伊利沙伯體育館舉行首場演唱會，全場座無虛席。
Albert 與眾嘉賓為觀眾帶嚟一連串窩心嘅經典中英文歌曲。修哥攜同四位曾孫同台合唱《世上只有》。修哥非常滿意曾孫嘅表現，曾孫亦認為修哥係一位好「太公」，好關心佢哋，逢有演出均會邀請曾孫演出。

修哥攜同四位曾孫同台合唱《世上只有》。
麥潔文邀請同為歌手嘅女兒陳薔天母女檔合唱溫情歌曲《初戀》，而嘉賓彭家麗與弟弟彭皓峰合唱《從不喜歡孤單一個》及《Para Para Sakura》。二人經常姊弟檔喺國內登台，除咗喺彭家麗演唱會外，呢晚係二人喺香港首次同台演出，彭皓峰更喺台上為家姐彭家麗向觀眾們招親。

麥潔文邀請同為歌手嘅女兒陳薔天母女檔合唱溫情歌曲《初戀》。
一向樂於行善嘅Albert今次演唱會特意將大部分門票定喺親民價格港幣280元，令更多有需要人士能帶同摰親一齊觀賞，更免費向香港多家慈善團體送門票，讓更多社會上嘅弱勢社群能夠一同享受今次演唱會。

嘉賓彭家麗與弟弟彭皓峰合唱《從不喜歡孤單一個》及《Para Para Sakura》。Albert免費向香港多家慈善團體送門票，讓更多社會上嘅弱勢社群能夠一同享受今次演唱會。