姜皓文新片黐滿芝士條扮喪屍 拍大馬賀歲片兼任監製邀阿Bob合作

黑哥 姜皓文 近日頻頻出鏡，唔止同太太殷寧喺劉德華吉隆坡站演唱會獲數萬觀眾齊齊唱生日歌賀壽，華仔仲為佢同太太結婚周年獻唱，Sweet到暈。而佢有份參與嘅台慶綜藝《與天地對話》亦即將播出，黑哥走訪南也門嘅無際沙漠，分享對人生嘅各種感悟。

黑哥有份參與嘅《與天地對話》11月18號起播出
另外佢又為主演嘅靈異新戲不斷宣傳，呢日就分享黐到成面都係芝士條咁嘅特技化妝過程，據知片中仲會變成喪屍，仲要由頭跑到尾，一向係跑步能手嘅佢仲要導演叫先識停咁話。
佢早前公開為主演靈異新片扮喪屍嘅化妝過程，全面好似滿佈芝士條一樣

經過化妝師加工你都咪話唔驚

不過近日佢就又飛到吉隆坡，為佢主演兼監製嘅當地賀歲片投入拍攝，據指劇本仲係佢同太太 一齊潛心完成，今次佢哋仲邀請封同樣有份參與《與天地對話》嘅 林盛斌 參演一位炒貴刁達人，阿Bob仲公開自己萬歲請劇組飲嘢嘅相，又求教向路大神買咩手信返香港最好喎。

近日佢又身處吉隆坡，同阿Bob合作拍攝大馬來年嘅賀歲片

阿Bob萬歲請飲嘢夠晒氣勢