黎瑞恩「白玉剩女」古風行善 邵美琪陳展鵬悉心打扮登場

邵美琪入行40年最近重返TVB為新劇《特勤女團》開工，明年將「登六」，前晚佢出席慈善晚會，見佢同陳展鵬均悉心打扮登場，邵美琪以靚爆造型示人，風采依然，難怪被網民獲封凍齡女神。

邵美琪以靚爆造型示人，風采依然，難怪被網民獲封凍齡女神。
香港藝人高爾夫協會（AGA）今年成立20周年，近半百位星級會員及嘉賓踴躍支持晚會，齊心共襄善舉。呢晚大玩「古裝」主題似足穿越時空咁，場面非常熱鬧，出席有黎瑞恩（小恩子）、陳展鵬、蔡一智、蘇志威、鄭希怡、林漪娸、單文柔、鄧兆尊、劉丹、滕麗名及郭佩文等，筵開28席，全場超過三百位善長仁翁。

香港藝人高爾夫協會今年成立20周年，近半百位星級會員及嘉賓踴躍支持晚會。
此次晚會以近年流行嘅古風為主題，出席會員及賓客皆以古裝扮相悉心打扮，現場布置配合中國古代風，十分好玩。會長小恩子以一襲白色古服長裙，再搭配白色絲帶及高髮髻古裝頭，仙氣十足，佢幽默表示：「我係白玉剩女，剩低個剩呀！好開心今晚見到咁多嘉賓都悉心打扮。」

會長小恩子以一襲白色古服長裙，再搭配白色絲帶及高髮髻古裝頭，自封「白玉剩女」。
小恩子將當晚籌得部份善款，撥捐「醫道惠民」為腦損傷兒童、罕見疾病兒童提供中醫復康義診服務，並為傷健兒童的家長供腦脊護理健康培訓。

此次晚會以近年流行嘅古風為主題，出席會員及賓客皆以古裝扮相悉心打扮。