StarTalk丨莫文蔚與華仔針鋒相對勁入戲 王菀之笑指末日推job陪愛人

莫文蔚同王菀之（Ivana）有份演出嘅香港災難電影《焚城》票房成績不俗，呢次係二人入行多年首度合作，Ivana笑指等呢個機會好耐，二人有不少對手戲，莫文蔚喺戲中飾演政府高官，而Ivana做其得力助手，拍群演感覺既好玩又有張力。

莫文蔚喺新片中扮演政府高官
Ivana指劉德華、鄭則士及林保怡等前輩一roll機已氣場十足，但係一嗌cut就變得好friendly，大家好好傾，而莫文蔚同華仔喺戲中更要針鋒相對，由於二人本身好熟，拍鬧交戲反而感覺好爽，讚華仔好易帶到身邊演員入戲，戲外亦視對方為恩人，莫文蔚亦難忘華仔嘅提攜之恩，一直給予好多機會，莫文蔚回想剛出道時有幸獲華仔邀請做紅館演唱會嘉賓。
Ivana則係Karen嘅副手

Ivana感覺華仔好似一個大哥哥，好支持新演員，二人喺唔同領略合作無間，再次合作更放心做新嘗試；被問對電影末日題材嘅感觸，Ivana最想如常過日子，笑指一定推job，多啲時間同最親、最愛嘅人一齊！

Karen直指呢次參演非常過癮