五月天風光重返上海開騷 林俊傑做驚喜嘉賓宣布有新作

台灣天團 五月 天嘅25周年巡迴演唱會日前移師上海，五月天呢次更打破開唱記錄，喺一個可容納8萬人嘅體育館開足11場。加上今次係佢哋去年完成上海站，捲入被指假唱嘅事件後再返當地開Show，所以呢次演出對佢哋同五迷都別具意義。 五月天一向錫Fans，為咗令五迷有難忘愉快回憶，佢地更喺上海多地設立主題公園、海上主題遊輪以及巨型卡通公仔等打卡位，令五迷同遊客可以隨時打卡，高峯排隊時間仲一度要十個鐘！

五月天重返上海舉行演出
而當地地標東方明珠塔都有主唱阿信設計，17米高嘅蘿蔔公仔身影，呢粒「蘿蔔」更成為東方明珠塔落成30年嚟，少有裝置擺設嘅IP。五月天呢次真係可以為風光回歸。 雖然演唱會頭場五子所用嘅咪一度失靈，不過喺「失聲」待工作人員處理時，全場五迷團結大叫：「五月天」口號，事後仲有唔少五迷形容呢一幕就好似「當五月天無法為自己發聲，五迷都會永遠為佢地搖旗吶喊。」一樣。

呢場有JJ林俊傑擔任嘉賓
而喺點歌環節中，被五子挑選嘅幸運歌迷仲將自己對偶像嘅心意寫喺自製嘅點歌牌，再展示俾台上嘅五子睇。
原來阿信為JJ嘅新書寫序

到第二場阿信就邀請咗「金曲歌王」林俊傑(JJ)擔任驚喜嘉賓，佢哋又合唱《知足》、《不為誰而作的歌》。初踏8萬人體育館嘅JJ相當興奮，又向阿信表示：「很羨慕五月天的歌迷非常熱情」，令阿信笑言：「五月天什麼不強，歌迷最強。」而JJ呢晚唔只獻唱，更透露自己即將出書，仲搵到好有來頭嘅阿信寫序，所以都令大家好期待可以快啲睇到JJ嘅作品。