鄭伊健首於台灣開大型個唱 邀男團組古惑仔版「五堅情」送驚喜

鄭伊健 日前喺高雄舉行演唱會，呢次亦係佢出道38年，首次喺台灣舉行咁大型嘅個唱，有近萬歌迷拉大隊撐場。雖然伊健似乎未及時間收身，但一班歌迷一啲唔介意，當伊健演唱多首大家耳熟能詳嘅經典歌曲好似《友情歲月》、《甘心替代你》、《興波作浪》、《至少還有我》時，台下仲齊齊全場大合唱。

鄭伊健出道多年來首次於台灣舉行大型個唱
當中最令樂迷驚喜嘅，當然係特別嘉賓登場嘅環節，伊健請嚟婁峻碩、陳零九、黃偉晉、小賴做嘉賓，5人組成古惑仔版「五堅情」，獻唱廣東歌《戰無不勝》。呢個咁新鮮嘅配搭，當然令全場又驚又喜，伊健用唔鹹唔淡嘅國語同四子交流，而四子呢次獲得港產江湖片嘅傳奇「大佬」認同，難怪開心到眉飛色舞啦。

呢日仲同幾位本地薑同台演出