袁偉豪阿仔袁咕碌變泥漿BB 陳自瑤嚇窒：我會崩潰！

張寶兒（Bowie）與袁偉豪一向好愛錫阿仔「袁咕碌」袁晞祐，張寶兒花盡心思為阿仔安排一啲小訓練，畀阿仔用唔同方式探索世界，早前喺社交平台上載影片見袁咕碌玩泥漿，仲玩到成面黏滿泥漿！

張寶兒與袁偉豪於2020年結婚，去年11月迎來兒子「袁咕碌」袁晞祐。
新手媽媽張寶兒上載1歲阿仔袁咕碌玩泥漿嘅影片，並留言：「今日媽媽搞咗啲新意思，袁咕碌冇人陪同可以玩咗成個鐘，雖然很骯髒messy（淩亂），但賺到的時間更加珍貴😂媽媽感到非常感恩與欣慰。」

張寶兒不時於社交網分享湊仔日常。

早前喺社交平台上載影片見袁咕碌玩泥漿，仲玩到成面黏滿泥漿！
片中見1歲袁咕碌坐喺BB爬行墊上，不停用手拎起泥漿，然後袁咕碌打開手仔，泥漿喺佢隻手滴落嚟，見阿仔周身泥漿，連塊面都黏滿泥漿，張寶兒笑指阿仔玩咗好耐，玩到啲泥漿乾晒塘。

片中見1歲袁咕碌坐喺BB爬行墊上，不停用手拎起泥漿。
陳自瑤見到袁咕碌周身泥漿，即忍唔住留言：「我呢啲有潔癖嘅人會崩潰。」而袁偉豪亦回覆： 「same same auntie YoYo」唔少網民表示有同感，紛紛寫道「真係冇咁偉大畀小朋友嘅開心換來我嘅崩潰」、「其實容易將啲泥土入眼鼻」，另有網民讚張寶兒係好媽咪，畀阿仔盡情探索！

張寶兒花盡心思為阿仔安排一啲小訓練，畀阿仔用唔同方式探索世界。