異空感應｜陳家樂參考《法證》偷師投入角色 扮屍體演員冒雨瞓草地獲讚專業

陳家樂 陳曉華Hera 阮浩棕 等主演嘅新劇《異空感應》啱啱開播，故事講述飾演重案組幹探嘅Hera遇上犯罪心理學家陳家樂，兩人由偵破案件開始申延落去，喺第1集家樂就要出動調查發現屍體嘅大場面，去到現場作出長篇分析，講一大段好專業嘅對白，家樂事前都有參考劇集《法證先鋒》系列去偷師。

《異空感應》推出，家樂、Hera仲有阿Nic似乎會遇到唔少怪事
拍攝呢個場口當日天氣惡劣，又凍又落雨，演員們唔使埋位時仲可以自由走動，但瞓喺草地上扮屍體嘅演員就冇咁自由，仲要雙腿外露睇見都凍，就連家樂都戥呢位女演員慘，認為佢先係場戲中最難演嘅角色，見到佢落住雨瞓喺草地上閉氣，手腳僵硬顫抖，所以家樂都想儘快完成拍攝。

早前劇集拍攝時，家樂就戥扮演屍體嘅女演員辛苦喇
當日拍攝一場屍體發現案

呢場戲仲有飾演警察嘅翟威廉、胡斐同唐嘉麟KT一齊出動查案，過往多數做壞人嘅KT今次會有新任務，亦係佢入行10年來首次飾演警察，有別於過往嘅係KT飾演正派，唔使俾人打，唔使殺人，所以佢好多監製王心慰信任，仲安排佢係查案中可以亂入搞笑。

唐嘉麟KT今次終於唔使演衰仔，難怪佢咁興奮啦