梁詠琪Side Track音樂會加入戲劇元素 獻唱《因果》忍不住台上哽咽

梁詠琪自今年七月喺台北舉行咗兩場全國語歌單嘅Side Track音樂會後，為咗令同樣愛錫佢嘅香港歌迷，即決定返港舉行5場全廣東歌單嘅Side Track音樂會。

梁詠琪
Gigi喺首場向觀眾解釋今次開騷因由，佢話「舊年tour開始走訪各地，帶咗我去好多唔同嘅地方，重遇好多忠實歌迷，好似老朋友一樣，勾起我好多回憶，發現自己好多收藏咗好耐嘅sidecut作品同故事，係時候攤出嚟同大家分享。我希望借呢幾個晚上，同歌迷一齊細味呢一啲回憶。」

除咗帶嚟出道以嚟歌曲，佢又分享昔日珍藏，兼者喺獻唱時加入戲劇元素，令觀眾聽歌同時又配合畫面欣賞。Gigi嘅老公同囡囡都有到嚟捧場，面對台下全部係愛錫咗自己多年嘅忠粉，Gigi喺獻唱《因果》時就一度哽咽，要用咗啲時間先平伏到心情，不過當聽到男觀眾大嗌「你好靚女呀!」時，佢就鬼馬地話「有啲幫助。」心情平伏後，Gigi繼續投入獻唱多首歌曲，跟歌迷一齊勾起無限回憶。