鄭秀文分享兒時舊照同爸爸似「餅印」 與媽媽真情對話感悟母愛偉大

鄭秀文（Sammi）之前喺IG貼出輪椅照，透露年邁嘅媽媽身體不時出現狀況，要出入醫院，一向係孝順女嘅Sammi，雖然唔係同媽媽一齊住，但佢一有時間就去探媽媽，呢日Sammi又喺IG貼文，啱啱返咗屋企探老媽子，仲一齊睇舊照。

一向係孝順女嘅Sammi，雖然唔係同媽媽一齊住，但佢一有時間就去探媽媽。
Sammi大方分享咗幾張兒時同家人合影嘅生活照，更感性寫道：「今天去探媽咪，一起看舊照片，時間過得很快，但也同時很慢，一步一腳印，點滴在心頭。」而其中一張相就係Sammi亡父嘅年青照，Sammi指自己同爸爸係「餅印」添，可見Sammi同家人嘅關係真係好好。

Sammi大方分享咗幾張兒時同家人合影嘅生活照，指自己同爸爸係「餅印」樣！
Sammi突然問咗老媽子一個問題，「如果生命是可以選擇活到幾多歲，你想活到幾多歲」，Sammi話媽咪諗咗一諗，就笑笑口話：「雖然我好掛念爸爸（即是佢丈夫），但想多活些，因為我想照顧你們啊！」Sammi當刻聽到媽媽咁講，假裝輕鬆咁回應：「哎吔﹗我哋都大了，不用你操心照顧。」

Sammi啱啱返咗屋企探老媽子，仲一齊睇舊照。
其實Sammi心裡好感動，笑指雖然佢哋五姊弟半百咁滯，母親身體時好時壞，但心中仍緊緊牽繫住，要照顧仔女，Sammi完全感受到濃濃嘅母愛。

Sammi笑指影呢張相嗰陣嬲爆爆，就係因為頭髮紮得唔夠好睇。