黃洛妍飛大馬演出首唱新歌 與威煌合唱狂擦當地美食

黃洛妍 繼早前為機場三跑系統啟用擔任嘉賓演奏小提琴之後，日前又同 湯寶如 劉威煌 飛兒樂團 等到馬來西亞吉隆坡一個商場，為當地一個活動嘅新聞發佈會任特別表演嘉賓。

Janees近日飛到大馬擔任表演嘉賓
Janees呢次到訪當地先後演出四首作品，首先以佢最拿手嘅小提琴，同鋼琴家古馳隔空合奏《李香蘭》。今次合奏編曲仲加入爵士樂元素，令人耳目一新。之後Janees更首次公開演繹自己嘅全新個人單曲《槍與玫瑰》。Janees指首歌係著名音樂人譚國政為佢特別創作，之後 佢又同劉威煌合唱《對等關係》、《她來聽我的演唱會》。仲有Fans專程由香港飛到當地支持Janees演出，令佢非常感動。
呢次演出仲有湯寶如、劉威煌同F.I.R.

Janees除咗首次演出新歌外，仲同威煌合唱

難得飛往當地，Janees亦把握機會到處品嚐美食，仲向觀眾大讚非常可口，而司儀更笑說大馬係會養肥人嘅地方，Janees亦風趣回應話值得，似乎真係難捨各式美味喎。

難得飛到當地，大家都把握機會享受美食