王晶新片開鏡思浩爆林明禎失聯 原定現身今晚《靈接觸》告吹

林盛斌 麥玲玲 梁思浩 莊思敏 等 呢日齊齊參與 王晶 新戲嘅開鏡儀式，呢部新片以鬼作主題，而思浩就提到 彭發 執導嘅新片首映禮，女主角 林明禎 聲稱因遺失護照而失場事件，仲話原定邀請彭發同明禎參與《直播靈接觸》今晚呢集擔任嘉賓，不過就因為電影公司方面一直未能同明禎取得聯絡而無奈作罷。

思浩指原定邀請彭發同是非纏身嘅明禎現身《直播靈接觸》
另外阿Bob早前宣佈將踏入紅館開Talk騷，但係玲玲師傅一收到消息就第一時間潑冷水，呢日師傅就即場解釋係出於好意喇。
阿Bob將於紅館演出，但係就竟然被玲玲師傅潑冷水

晶哥嘅電影一定走唔甩有火辣晶女郎，新片就有解斯童同商楚然任女主角，而晶哥又指自己對香港電影市場充滿信心，港產片生命力十足，業界繼續努力帶新鮮感俾觀眾就唔會有問題咁話。
晶哥同兩位晶女郎現身新片開鏡儀式

而升呢做咗人父嘅李嘉亦會參與演出，雖然佢身手非常唔錯，不過講到湊小朋友，佢就話要時間慢慢學，仲話唔排除再生湊齊好字咁話。

李嘉最近升任人父，不過自認粗魯照顧愛女要靠太太