胡渭康開心為義工團隊領獎 顏米羔重操舊業再拍電影

胡渭康一向積極投入義工活動，日前就代表佢組成嘅義工團隊接受義工獎項，表揚善心，得到社會認同，令胡渭康相當開心，透露會參加呢個活動都係朋友鼎力支持報名。
胡渭康代表佢組成嘅義工團隊接受義工獎項。
胡渭康話香港人喺國際上做義工及捐款數字幾乎首屈一指，而自己選擇參加團體獎項係因為一直以嚟有朋友支持同幫忙，先可以做到自己想做到嘅目標，所以呢個獎係屬於大家嘅。
 胡渭康話香港人喺國際上做義工及捐款數字幾乎首屈一指。
對於「施比受更有福」呢個道理，胡渭康覺得自己喺透過幫助別人，同時亦收穫良多，特別係同人相處以及應變能力，所以義工活動係令雙方有所得益，得到幸福感。
 顏米羔明年會重操舊業做電影導演。
顏米羔為活動擔任表演嘉賓，近年佢專心發展歌唱事業，不過喺出年會重操舊業做電影導演，所以最近開始忙於試鏡工作。雖然會有壓力，但自己會努力同專心做好呢件事。