毛舜筠細女優異成績碩士畢業 舉家飛英國見證開心時刻

毛舜筠（毛姐）同導演區丁平結婚至今30年，兩公婆一直恩愛如昔，毛姐今年榮升外母，大女區令山（Jannie）今年8月出嫁，近日佢哋孖住去英國出席細女區亦山（Jill）碩士畢業禮，舉家飛去當地見證呢個開心時刻。

毛姐舉家飛去英國出席細女區亦山碩士畢業禮。
24歲細女Jill喺伯明翰大學考獲Distinction優異成績碩士畢業，屋企多咗一位物理治療師，噚日毛姐喺社交平台分享家人合照：「一家人又聚在一起慶祝亦山的碩士學位畢業典禮。親愛的，感謝你一直以來的努力和毅力😘❤️👏🏻我知道你將來必定會成為一名出色的物理治療師！」

24歲細女Jill喺伯明翰大學考獲Distinction優異成績碩士畢業。
毛姐喺網上開心分享阿女上台拎畢業證書嘅片段，Jill落台時展露燦爛笑容，今次毛姐全家總動員現身，包括佢大女Jannie同女婿Andrew，睇完畢業禮後佢哋一齊合照留念。

毛姐今年榮升外母，大女區令山今年8月出嫁。毛姐好開心見到屋企多咗一位物理治療師。毛姐同導演區丁平結婚至今30年，兩公婆一直恩愛如昔。