盧慧敏心痛謝嘉怡愛犬遭毒殺 眼泛淚光再三呼籲大眾善待動物

2020年港姐冠軍謝嘉怡（Lisa）喺12月15號帶3隻愛犬往大埔社山村散步期間，其中2隻懷疑誤食路邊毒肉慘死，謝嘉怡促請警方盡快將兇徒繩之卡法，近日上映嘅小品電影《得寵先生》亦係以愛寵為主題，噚日女主角盧慧敏（Amy）出席一個學生分享會，被提及港姐謝嘉怡兩隻愛犬慘遭毒殺時，Amy頓時眼泛淚光。

港姐冠軍謝嘉怡日前帶同3隻愛犬去大埔郊遊，沒想到遇上狂徒放下燒肉包毒藥，兩愛犬不幸中毒。
男主角鄭丹瑞（旦哥）及女主角Amy呢日現身演藝學院，跟電影電視系學生分享拍攝點滴及電影細節，當被問前港姐謝嘉怡喺放狗，兩隻愛犬疑誤食毒物後離世，Amy表示：「你可以不愛，但你唔可以傷害...」 

噚日《得寵先生》女主角盧慧敏出席一個學生分享會，被提及港姐謝嘉怡兩隻愛犬慘遭毒殺時，Amy頓時眼泛淚光。
Amy喺分享會後痛心表示近日收到好多私訊，有關謝嘉怡愛犬慘遭毒殺一事，佢就話：「每一日喺不同角落都發生緊呢啲咁殘酷嘅事，而我哋未必睇到。動物義工、寵物主人其實都面對緊好痛、好殘酷嘅現實，呢個世界上亦有好多鄧悅娜（戲中動物義工）不停為狗狗去付出。」Amy引用電影對白再三呼籲大眾善待動物：「『你唔做主人都得，但要做返個人』，你可以唔愛，但你唔可以傷害，因為我哋冇權咁做。」 

Amy引用電影對白再三呼籲大眾善待動物。
分享會上，Amy回想電影最後一幕，與旦哥喺山頭上抱住小狗時真情流露淚崩時刻，話劇本係冇嗰下流眼淚，頭兩個Take同埋試位時候，眼淚已經不停流，喺個心度發出嚟，而電影中旦哥與飾演「燒腩」嘅狗演員Little戴頭罩並排坐嗰幕，原來係旦哥即興演出，旦哥直言畫面上係唔合常理，但假如一位憤世嫉俗嘅火爆老人「佳叔」願意去做呢件事，代表老人同「燒腩」建立咗深厚友誼，所以拍咗呢個場口。

電影中旦哥與飾演「燒腩」嘅狗演員Little戴頭罩並排坐嗰幕原來係即興演出。