馮允謙簽唱會簽足5個鐘 來年續創作盼旅行攞靈感

馮允謙 事隔多時再推出全新個人大碟，星期日舉行簽唱會，吸引近千人圍觀，仲有逾500歌迷排隊等簽名，Jay亦即場為Fans演唱《無理取樂》同《會再見的》，現場非常熱鬧。

馮允謙星期日舉行新碟簽唱會
簽名環節開始後，Jay為歌迷逐一簽名同寫上感謝詞，又逐一同大家閒談，最後一直到晚上先圓滿結束，整整花逾5小時同歌迷相聚，佢仲笑言因為太投入，連廁所都唔記得去呀。
仲有歌迷帶埋BB嚟同Jay見面

Jay事後話：「近年冇乜機會停低腳步同歌迷傾吓偈，今日可以聽吓佢哋對我嘅歌同唱片嘅感受，有歌迷話我嘅音樂樣影響佢哋、陪伴佢哋、帶畀佢哋正能量，對我嚟講好有意義。因為我每次寫歌做音樂，都係希望令人有感受，聽到佢哋嘅故事，真係好感恩，好多謝大家。」
Jay又提到滿意今年嘅成績，而是2025年亦一樣會勇往直前呀

呢日唔止有歌迷為簽唱會改旅遊行程，仲有歌迷抱住初生BB排隊。更有歌迷預祝佢元旦日舉行嘅馗台頒獎禮會有好成績。

Jay回顧2024年成績，認為十分充實：「今年完成咗好多願望，做咗好多演出，而且終於出到自己嘅大碟，又可以搞簽唱會同大家見面。」又話新一年會繼續創作更多作品，仲希望放假去一個從未到過嘅地方旅行，刺激創作靈感。