邵初上月丁父憂強忍悲痛 撰長文憾未當完美乖女

2021年參選港姐後入行嘅 邵初 ，星期日突公開父親上月已離世嘅噩耗，又撰長文泣訴對亡父嘅懷念與不捨，Kristy仲認為自己做得唔夠好，唔係稱職嘅乖女，一字一句令人動容。

邵初突於網上悼念上月離世嘅父親
佢Post出數張小時候同父親嘅合照，仲有當年父親為親近自己而決定將多年煙癮決心戒除嘅影片，佢寫道：
「你五歲嗰陣，我想錫你一啖你唔俾我錫哈哈哈⋯話我口有煙味好臭，咁我話：『好！你俾我錫一啖，我聽日開始唔食煙！』我食咗30幾年煙，就係咁因為你戒咗煙。」
又貼出年幼時嘅圖片紀念

「心無罣礙，無罣礙故，遠離顛倒夢想」您走了，瀟灑的走了。雖然我無比傷痛不捨，但我會努力好起來的，您不用掛心我
想着…有很多對不起，很多感謝…

我是個合格的女兒嗎？我有令您失望嗎？我有讓你驕傲嗎？我可以做得更好的……對不起
您用辛勞換來幸福給家人。您用雙手為我撐起了一片天。您無私的愛，奉獻，照顧。謝謝您

老豆..您嘅一句「爸爸喺度！ 」，我就會咩都唔驚唔怕，我好唔捨得您呀成日仲想send message比您…我永遠無辦法消化您嘅離開，但您留低嘅係美好嘅回憶同愛，我會永遠記住，我會堅強，將您比我嘅愛化做動力，繼續向前行。
長文中對亡父百般不捨

老豆，您係我心中活在當下嘅代表，您成日話係我提您「最緊要開心」，但其實「最緊要開心」係您教我嘅
老豆，做您個女好幸福我愛您，永遠愛您。
亦提到會遵從教誨

爸爸生命的最後時刻，依然保持著從容與堅強安詳地離世我要感謝在這段艱難的時間幫助和支持爸爸和我的每一位同時，非常感謝瑪麗醫院和深圳香港大學醫院的醫生護士醫護人員Dr Jen, 好多謝您，無您我真係唔知點好萬分感激
親愛的父親願 您往生極樂淨土，享受無比的幸福

愛您的女兒邵初
(-2024/12/07)