權相佑新戲續集再演特工 自誇跑戲媲美湯告魯斯

韓國男星 權相佑 主演嘅搞笑動作電影相隔5年推出續集，呢日佢聯同李伊庚、鄭俊浩等一眾拍檔出席新片發布會。權相佑好開心再演特工，亦自爆非常欣賞成龍、湯告魯斯等動作巨星。

權相佑出演嘅電影續集再次扮演特工
唔知係咪睇得多自己都有偶像嘅影子，佢仲自爆有一幕嘅動作戲令佢諗起湯告魯斯既經典場口，佢話有一場跑戲令佢諗起靚佬湯喺《職業特攻隊》系列嘅跑戲，仲話拍嘅時候不停諗住要跑贏湯告魯斯，而記者會主持人即時好識趣話叫大家留意呢位韓國版湯告魯斯嘅表現。另外權相佑亦分享有一場喺屋頂上大打嘅戲份，撞啱喺最熱嘅時間拍攝，令佢印象難忘。
近年喺綜藝有唔錯表現嘅李伊庚爆肚搞到前輩都投訴

除咗權相佑嘅演出值回票價之外，李伊庚、鄭俊浩嘅火花都好令人期待。李伊庚百變又搞笑嘅演技，連導演都忍唔住做埋粉絲，仲私下要求李伊庚盡情發揮，而李伊庚自誇話佢為新戲自度一種特別嘅演技同語調，同導演約定呢種專屬嘅演法只會喺呢個系列度出現。另外因為佢經常喺片場爆肚，搞到前輩鄭俊浩話佢有啲過火，更講笑話大家都係搵啖飯食姐，叫李伊庚唔好太過份，適可而止。