萬千星輝頒獎典禮2024｜陳懿德叫三飛望接麥美恩班 譚輝智入圍男新人嚇窒拉姑

年度盛事《萬千星輝頒獎典禮2024》將於1月19號舉行，有份入圍嘅藝人近日都積極為自己拉票。競逐今年新增設嘅最佳男、女新人獎最後五強，包括： 廖慧儀 梁敏巧 曾文心 陳懿德 ，以及 張馳豪 譚輝智 廖家爵 。

入圍女新人五強嘅幾位靚女繼續拉票

今日一眾提名藝人見傳媒分享當下心情。講到奪獎信心，Jessica就話：「一定有架喇！但其他對手都好強，專業範疇都唔同，參與到頒獎禮已經好開心。」Maggie都話：「入到五強已經好開心，希望大家多多支持。」 Maggie舊年因為工作認識到Babyface，更被對方展開熱烈追求，令Maggie備受關注。Maggie笑言叫對方記得投票外，都對Babyface近日參與拳賽分享睇法，讚賞對方努力堅持，就被打低都努力起返身。 

Maggie話有留意Babyface參加拳賽

德德今年有份提名「最佳主持」、「飛躍進步女藝人」、「最佳女新人」，無論得獎與否都證明佢嘅努力獲得認可！德德就話，希望自己可以拎到女飛躍，亦希望自己可以繼麥美恩之後，成為以綜藝為主嘅女飛躍得主。 

有三項提名嘅德德希望成為下一個麥美恩

輝智人到中年可以入圍男新人，令佢都覺得好開心，仲覺得自己已經贏咗添！輝智仲話自己都有拉姑講入圍男新人呢件事，而拉姑反應就係大吃一驚。而出道幾年嘅Aska都話對自己仍然可以提名到男新人，所以件事都令佢好驚喜。 廖家爵同曾文心喺台慶夜獲頒「全台力撐最有潛質男、女藝人」，對兩位嚟講都係努力肯定。雖然兩位都好希望喺頒獎典禮得新人獎，不過亦好珍惜目前大家對佢地嘅支持。

輝智對自己入圍提名新人獎難以置信