亞洲電影大獎｜入圍名單公佈《城寨》狂收9提名 青雲許冠文同提名爭逐影帝

3月16號舉行嘅《亞洲電影大獎》頒獎禮，盛會將於 TVB Plus 同 myTV SUPER 現場直播，而呢日入圍名單公佈記者會，除咗有30部各個亞洲地區嘅作品入圍之外，早前熱播嘅《九龍城寨之圍城》亦分別入圍最佳電影同最佳男配角等9項提名，而仍然放映中嘅《破．地獄》同《爸爸》亦分別獲得3項提名。

洪金寶將擔任今屆《亞洲電影大獎》評審主席
去年榮封金像獎影后嘅 余香凝 負責公佈最佳男、女主角入圍名單，其中 張艾嘉 金高銀 彭于晏 崔岷植 劉青雲 許冠文 等分別入圍。李琳琳成為唯一入圍競爭女配角嘅香港演員，而朱栢 康 同 伍允龍 則會競逐男配角。

今屆評審主席由大哥大 洪金寶 擔任，佢就認為有嗰句講嗰句就ok，因為藝術難以量化，每人睇法都唔一樣，佢仲話希望 伍允龍 可以憑《城寨》演出得獎，而首次獲大獎提名嘅Philip本人就話由偶像大哥大口中睇好自己與有榮焉。
伍允龍獲大哥大睇好有力問鼎男配角，被偶像讚賞大感光榮

而年底回顧過往一年時，提到自己早前小產嘅余香凝，呢日亦都提到身體狀況同心情都逐漸平復。
余香凝早前公開去年曾經歷小產，身心逐漸平復

至於有份參與《城寨》演出嘅 黃德斌 ，就笑言希望作品可以一舉橫掃各個提名獎項，等香港電影聲譽可以重拾光輝咁話。

黃德斌稱私心希望《城寨》橫掃各個獎項