StarTalk丨蔡卓妍張繼聰合作直認辛苦 讚胡楓專業無懼臨時改劇本

蔡卓妍（阿Sa）同張繼聰作客TVB娛樂新聞台節目《StarTalk》接受主播王鎮泉嘅專訪，兩人一齊主演以賭為題材嘅賀歲片，阿聰戲中兩人一見鍾情兼閃婚，婚後慢慢互相了解，但夫婦之間嘅矛盾就係阿聰好憎人賭錢，阿Sa偏偏就係病態賭徒。

阿聰同朱栢康實在太搞笑，令阿Sa忍笑忍得非常痛苦。
阿Sa今次參演拍得好開心，每日好期待開工，收工又唔會捨得，但係開心同時亦係佢從演以嚟拍得好辛苦一部作品，原因係喺忍笑方面，因為阿聰同朱栢康實在太搞笑，阿Sa憶述一場三人嘅對手戲，以及跟阿聰嘅一幕床戲，兩場戲都令佢忍笑忍得非常痛苦。

阿聰同阿Sa異口同聲話係修哥忍笑能力最強，大讚修哥好專業。
講到戲中邊位演員忍笑能力最強，兩人異口同聲話係修哥胡楓，佢哋大讚修哥好專業，因為喺片場佢哋成日改對白，甚至連修哥嘅對白都改埋，但係修哥永遠接到戲。

阿Sa係麻雀愛好者，佢話自己數口好差，但係打麻雀計番就好叻。
返到現實生活中，阿Sa係麻雀愛好者，佢話自己數口好差，但係打麻雀計番就好叻，阿聰笑指阿Sa打成晚牌都係幾十蚊上落，證明佢對打麻雀嘅熱誠好大。

阿聰笑指阿Sa打成晚牌都係幾十蚊上落，證明佢對打麻雀嘅熱誠好大。