黃百鳴再開金口翻唱《普渡眾生》 林家謙：超越(渡)原唱系列

黃百鳴 近年除咗繼續佢嘅電影投資同影院生意之外，最為人談論嘅當然就係酷愛唱歌嘅佢，開設影片頻道翻唱流行熱播作品喇，早前嘅《記憶綿》仲被形容為係「家有囍事版」，其實百鳴哥唔止熱愛唱歌，早年仲身兼填詞人，好似譚校長嘅《小生怕怕》、杜麗莎嘅《開心鬼》都係由佢作詞。

百鳴哥欣賞完《破．地獄》大讚影片同主題曲《普渡眾生》
掀起大量話題嘅《破．地獄》成為香港史上最高票房華語電影；而大半生都係電影人亦係唱歌愛好者嘅百鳴哥，就指導演陳茂賢、兩位男主角 許冠文 同 黃子華 仲有早前大獎攞完又攞嘅 衛詩雅 演出都無懈可擊，欣賞完亦深切感受到戲中嘅釋懷主題，同時亦非常欣賞 林家謙 包辦曲詞編監嘅主題曲《普渡眾生》，自然就梗係要唱返次表揚一下啦。
自然亦要翻唱一下呢首歌啦

而百鳴哥喺百鳴歌獻唱嘅歌聲，仲瞬雷不及掩耳間已經傳到家謙呢邊，而家謙亦喺社交平台轉發，仲留言寫道：普渡眾生 the first live 超越(渡)原唱系列 。
希望大家聽完呢個版本，心中都得以平靜順便整理龍年嘅大小唔好意，釋懷迎接蛇年來臨，阿彌你個佗佛。

一手包辦歌曲嘅林家謙聽完亦有回應
被點名同時更被超越埋嘅家謙