陳山聰婚姻被指亮紅燈婚戒失蹤 Apple影片現身只講三個字

陳山聰 近日無端被指婚姻亮起紅燈，指2019年同太太Apple結婚嘅佢，近日唔止無再戴上婚戒，過往不時同愛妻一齊帶住囝囝Jaco親子出遊嘅山聰，仲被指最近形單隻影做帶子雄郎，兩夫妻最近亦甚少公開出恩愛Post。

陳山聰被指最近婚姻出問題，出遊都未見老婆Apple同行
而雜誌封面刊出後，山聰就冇你咁好氣，直接於限時動態拍片回應，片中佢同太太Apple共膳，仲直問Apple登上封面嘅感想，面帶微笑嘅女主角焦點集中晒喺面前一碗越南牛肉河粉之上，被老公問到點解唔戴婚戒，仲被山聰直指係因為「肥咗」時亦懶理，仲連叫兩次老公快啲食嘢，將傳聞拋諸腦後先食為快呀。

報道仲話佢哋連婚戒都冇戴

封面一出，山聰就急急搵老婆拍片回應喇