張繼聰搞完笑變失意拳手 靠信念死頂苦練有苦自知

張繼聰 近日不斷為佢參演嘅賀歲片宣傳，而佢另一部擔正嘅個人電影 《金童》亦已整裝待發，電影公司公開新作嘅先導預告曝光。預告中嘅一幕幕拳擊訓練、加上擂台上連場激戰，爆肌上陣嘅阿聰，滿臉戰績同血跡，打鬥場面亦非常緊張。

張繼聰放低搞笑形象，新片扮演型爆拳手角色
戲中扮演過氣天才拳手「金童」嘅阿聰，為今次演出落足苦功，佢仲將整個艱辛鍛鍊過程拍攝紀錄，稍後仲會公開充滿血與淚嘅紀錄片，同大家分享「金童」鍊成之路。
電影先導預告公開，阿聰由訓練到比賽過程充滿張力

阿聰亦對呢次自己嘅經歷不可置信話：「回想起當日都覺得瘋狂，電影開拍前一段漫長日子已經開始特訓，連出埠拍戲都有教練跟身，即使拍完通宵戲其他人收工，我都不停訓練。無論飲食、體能都好刻苦鍛鍊，好似同自己作對咁！真係去到好盡，盡到自己都唔相信！」