莊錠欣開香港首個迷你個唱 「繼母」朱千雪窩心支持

香港童星身份出道嘅莊錠欣（Elkie）喺韓國以女團CLC出道，Elkie喺2021年退團後於華語市場單飛發展，日前首度喺香港開個人迷你演唱會，除咗獲親姐姐莊易羚支持之外，Elkie劇中嘅繼母朱千雪（Tracy）專程嚟捧場。

Elkie喺2021年退團後於華語市場單飛發展，「繼母」朱千雪專程嚟捧場。
當年喺劇集《On Call 36小時II》Elkie飾演Yannis係吳啟華嘅女兒，朱千雪飾演向芊兒係吳啟華嘅女友，Tracy同Elkie有唔少對手戲，估唔到兩人嘅情誼維持有十多年。作為Elkie首個香港個人騷，佢特別請呢位哎吔媽咪捧場，喺台上Elkie更特別提起Tracy，話呢日好開心請到Tracy嚟到，仲叫Tracy唔好喊，驚見到Tracy喊就忍唔住喊! 

作為Elkie首個香港個人騷，佢特別請呢位哎吔媽咪捧場。
Tracy亦上載佢同Elkie嘅合照並貼文鼓勵「繼女」讚Elkie當演員、女團、歌手、作曲人嘅路並唔易，但Elkie全部都做到，好榮幸能夠見證佢喺香港第一次演唱會，期待Elkie踏上更大嘅舞台。

莊易羚到場支持妹妹，亦有大騷歌喉，同台上嘅Elkie即興合唱《Where Did U Go》。
Elkie勇闖競爭超大嘅Kpop界出道，實力當然有返咁上下，喺迷你演唱會上佢除咗跳唱、亦獻唱泳兒嘅《感應》、張天賦嘅《記憶棉》等。另外Elkie亦請到台灣歌手阿沁任嘉賓，兩人合唱《月牙灣》可以話炒熱全場。到場支持妹妹嘅莊易羚亦有大騷歌喉，同台上嘅Elkie即興合唱《Where Did U Go》。