王丹妮與導演拉隊落區謝票 張文傑為胡子彤準備孖煙囪找數

王丹妮趁大年初五（2日）聯同導演麥啟光以及演員，為主演嘅賀歲片走訪新界區各大戲院同觀眾見面，Louise仲去到各個戲院嘅售票處，向觀眾送上新年祝福，佢仲以戲中角色廣告界女強人上身，親身向購票人士細心講解自己角色，無論戲裏戲外都十分賣力，甚得觀眾歡心。

王丹妮走訪新界區各大戲院同觀眾見面，向觀眾送上新年祝福。
前一日年初四（1日），導演就聯同張文傑、喬靖夫到九龍區各大戲院謝票，三人更為早前許下承諾嘅胡子彤準備咗多條孖煙囪同內褲作「找數」之用，由於子彤早前誓言指票房超過40萬就着短小熱褲出席謝票，好友當然為佢做好事前準備。

王丹妮親身向購票人士細心講解自己角色。
German話條褲係為胡子彤準備：「戲中有個傻佬成日着住條短褲，佢應承咗出嚟會着短褲謝票，大家知宜家幾凍，着條短褲出嚟好奇怪。」當German被司儀問到幾時着deepV找數，German話：「咁就要睇吓觀眾幾時再入場睇。」

導演聯同張文傑、喬靖夫到九龍區各大戲院謝票，三人更為早前許下承諾嘅胡子彤準備咗多條孖煙囪同內褲作「找數」之用。