69歲劉家輝現身動作特技演員公會新春團拜晚宴獲頒貢獻大獎 好友樊亦敏陪伴出席多年友情深厚

香港動作特技演員公會喺年初七（4號）舉行新春團拜聯歡晚宴，著名動作演員及幕後工作者聚首一堂，開心暢飲共晉晚餐，出席有會長錢嘉樂、副會長張雷、「火星」蔣榮法、古天樂、李家鼎、湯盈盈、周家怡、劉家輝、樊亦敏、區瑞偉、徐小明及林迪安等圈中人。

香港動作特技演員公會喺年初七（4號）舉行新春團拜聯歡晚宴，著名動作演員及幕後工作者聚首一堂。
每年春茗公會均向前輩頒發獎項，以表揚佢哋對動作電影嘅努力付出同貢獻，著名武打男星劉家輝今年獲頒貢獻大獎，佢由好友樊亦敏陪伴，精神奕奕於台上領獎。

著名武打男星劉家輝今年獲頒貢獻大獎，佢由好友樊亦敏陪伴，精神奕奕於台上領獎。
相中見呢晚69歲劉師傅坐輪椅現身，見佢面色紅潤、狀態非常好。樊亦敏身穿粉紅色衫全程陪伴在側，劉師傅講得獎感言時，樊亦敏就幫劉師傅拎住獎座，放喺劉師傅身旁；由於近日天氣轉涼，劉師傅出門除咗身穿羽絨，亦喺大腿蓋上一張毛毯保暖，以免不小心著涼。

樊亦敏多年嚟依舊對劉師傅照顧有加，可見二人多年友情深厚。
劉家輝師傅早年意外中風癱瘓，暫停其演藝生涯，其後遭前女助手欺騙近120萬，好友樊亦敏仗義幫忙搵律師，2014年告上法庭，幫助劉師傅成功追討財產，應付晚年生活費及醫藥費，樊亦敏又為劉師傅安排去療養院生活，不時前往探望，事件曝光後，曾被外間揣測二人關係，不過樊亦敏多年嚟依舊對劉師傅照顧有加，可見二人多年友情深厚。

夏竹欣喺社交平台分享與古天樂合照。會長錢嘉樂、副會長張雷、「火星」蔣榮法率眾人開心舉杯暢飲。李泳豪、湯盈盈、周家怡亦有出席。李家鼎曾習北派、詠春、泰拳及空手道，非常好打。錢嘉樂擔任主持，林迪安獲獎。