俞明睡夢中離世享年100歲 女兒感恩爸爸無痛離開不用受苦

資深藝人俞明喺年初七（4日）早上於睡夢中安詳離世，享年100歲，俞明叔女兒Heidi喺社交平台公布爸爸離世消息。
俞明叔女兒Heidi喺社交平台公布爸爸離世消息。
俞明叔喺年初二晚因為有少少發燒加上痰多，所以家人就叫救護車將佢送入醫院，經醫生檢查後診症為肺炎，俞明叔入院後一直昏睡。直至年初七早上，家人收到醫院電話指俞明叔維生指數突然跌低，家人隨即前往醫院，抵達時俞明叔瞓着咗，冇咗心跳。」Heidi感恩父親唔使受苦，冇痛過同掙扎下安詳離開，佢話爸爸好錫佢哋後輩。
俞明叔

原名阮耀麟嘅俞明叔喺1947年由擔任粵語片演員及導演嘅哥哥俞亮帶住入行，一生參演超過300齣電影同超過50部電視劇，演活無數反派及諧角，令觀眾印象深刻。俞明叔又有參與長壽節目《歡樂今宵》，直至1998年正式退休享受晚年。
俞明叔嘅家人 不時會喺社交平台上分享佢嘅生活照。俞明叔同家人感情相當好。
俞明叔育有三女，四代同堂，與電影巨星李小龍有親戚關係，佢太太李秋鑽係李小龍嘅堂家姐。為咗答謝影迷多年嚟支持，俞明叔嘅家人會不時喺網上分享俞明叔生活照，見到俞明叔臉上永遠掛住親切笑容，而呢張笑臉同樣會永存喺俞明叔同一眾影迷心中。

俞明叔係李小龍嘅堂姐夫。俞明叔係李小龍嘅堂姐夫。