朱智勛醫療新劇帶紅秋英宇 親自買外賣慰勞劇組超暖心

韓星 朱智勛 呢排頻頻有新作推出，佢主演嘅醫療新劇人氣比《魷魚遊戲2》更勝一籌，亦帶旺同劇嘅秋英宇人氣急升。男模出身嘅佢仲躍升為新一代韓國男神。
朱智勛相隔十年再演醫生角色﹐喺新劇中演一位瘋狂外科醫生，帶住秋英宇飾演嘅高才生徒弟，一齊施展仁心仁術。劇中兩人有好多火花。近年朱智勛都同唔少前輩如河正宇等搭檔，不過就甚少成為作品中嘅大哥大，所以佢都大呻大佬唔易做。

朱智勛嘅新劇爆紅令佢同劇中嘅徒弟秋美宇都人氣爆燈
喺照顧拍檔方面，佢亦花左好多心機，仲親自照顧大家嘅一日三餐，部分戲份劇組移師鄉村地方拍攝，雖然有餐車設備，但係食物種類有所限製。所以大約九點、十點朱智勛就會主動提議食咩，問大家要唔要一齊參與，其中一日朱智勛更親自開車出外買部隊鍋俾大家，佢認為圍爐用餐可以增進團隊情誼，但就強調唔係必定要參加，怕後輩有壓力。

呢日活動朱智勛仲被爆非常照顧大家嘅飲食安排