顏志恒闔家出席歌迷團拜聚會 派囝囝獻技兼孖老婆甜蜜合唱

「中聲歌手」 顏志恒（Benson）日前趁新春佳節，帶埋太太同一對囝囝出席粉絲團拜聯歡會，同一眾歌迷相聚。Benson安排連串互動環節務求大家玩得開心，佢嘅一對囝囝仲表演雜耍，Benson仲話要向囝囝學藝，氹得大家非常開心！Benson亦趁難得聚會為大家唱歌，仲孖住老婆甜蜜合唱《喜歡你》，真係好閃呀！

Benson日前同大班Fans團契賀新春

顏太亦都有現身，仲同Benson一齊合唱情歌

Benson話自己搞呢種小型飯局，係可以同Fans多親近接觸，開開心心食飯、傾偈。講到新年願望，Benson就希望大家身體健康，亦透露即將推出新歌，希望會得到唔錯嘅反應。而佢亦期望如果新歌反應正面，再下一首歌就會挑戰輕快曲風。Benson亦希望喺新一年，喺正職、演藝事業、家庭上嘅時間分配可以做得更好。

兩個囝囝亦都有現場為大家表演