黃劍文六年後再赴日本滑雪 自爆童年好窮遊日成夢想

黃劍文（Kimman）已有6年冇去日本旅行，日前終於抓住農曆年假期嘅尾巴，獨自飛咗去日本東京旅行度假，呢次旅程Kimman最期待嘅就係重拾滑雪嘅樂趣，佢話自己七年前，連續幾年都喺日本滑雪，佢仲話呢度亦係佢第一次學識滑雪嘅地方。

黃劍文已有6年冇去日本旅行，日前終於抓住農曆年假期嘅尾巴，獨自飛咗去東京旅行。
Kimman上載咗自己滑雪嘅片段，雖然相隔咁多年冇玩，但係Kimman仍然得心應手，見佢一邊揸機拍片，一邊滑雪都應付自如。Kimman細個成日睇日劇、睇日本卡通片，因為當時好窮，冇能力去日本旅行，所以寫紀念冊時，佢唔敢寫夢想係去日本旅行。

呢次旅程Kimman最期待嘅就係重拾滑雪嘅樂趣。
Kimman直到20歲，終於第一次踏足日本呢個地方，佢話真係有一種夢想成真嘅感覺，就算企喺原宿地鐵站都覺得好夢幻。Kimman咁耐冇去日本，呢次帶住小學生旅行嘅心情，周圍去食好好好味嘅拉麵、壽司同烏冬，當然唔少得去東京鐵塔打下卡啦，佢仲話唔使做嘢，冇化妝冇整頭，自由自在，好Enjoy喎！

黃劍文喺東京鐵塔打下卡，佢仲話唔使做嘢，冇化妝冇整頭，自由自在，好Enjoy喎！Kimman咁耐冇去日本，呢次帶住小學生旅行嘅心情，周圍去食好好好味嘅拉麵。