痞子無間道丨朱敏瀚情人節做孝順仔 周嘉洛有媽咪做最大支持者

周嘉洛、陳瀅、朱敏瀚等人呢日現身市區為新劇《痞子無間道》宣傳，適逢係情人節正日，所以一眾演員都向市民大派鮮花、氣球、朱古力，應一應節。
 陳瀅同fans影相。周嘉洛對fans有求必應。
今年元宵節、情人節日子相近，陳瀅笑言全日都要做嘢，所以情人節餐飯，應該要由朱仔同嘉洛請客。朱仔同嘉洛，之前元宵節有食湯圓應節，而朱仔亦會同媽咪打邊爐過情人節。
 嘉洛同朱仔為陳瀅送上「情人節禮物」。
嘉洛同朱仔喺劇中頻頻犧牲色相大騷好身材，連兩位嘅媽咪都睇得好開心。嘉洛就話周媽媽係自己最大支持者，媽媽一見到佢出場就想笑。不過面對嘉洛全裸或者被打場面，周媽媽都會心痛囝囝，但整體都睇得開心。而朱仔就話朱媽媽睇到第四集佢沖涼嗰場戲睇到好開心，因為見到何泳芍（Honey）成個頭塞落木桶覺得好好笑。
 周嘉洛 陳瀅 朱敏瀚嘉洛同朱仔呢對CP都唔錯！
有裸露戲份嘅仲有Honey，佢喺劇中有場性感露背場口，仲話嫲嫲睇到都嚇親，不過嫲嫲就唔認得係自己。而黃子恆嘅海盜造型亦相當吸睛，好有反差感！
朱仔喺劇中有唔少騷肌戲。Honey都有露背戲！