林沚羿關嘉敏出戰內地綜藝磨練演技 獲林峯胡杏兒多位星級藝人拍片打氣

內地網絡綜藝節目《藝員新訓2025》集結多位新生代藝人，今年代表香港嘅學員陣容就有聲夢歌手林沚羿（Venus）以及「扮嘢女神」關嘉敏（Carman），大家可以喺節目睇見兩位小花磨練成長。 

聲夢歌手林沚羿參與內地網絡綜藝節目《藝員新訓2025》。

「扮嘢女神」關嘉敏亦出戰《藝員新訓2025》。

兩位嘅打氣團陣容非常強大，Venus嘅打氣團就有譚詠麟、胡杏兒、苗僑偉、林峯、陳小春、羅家英、何家勁、黃日華、陳國坤等有出鏡，Venus爸爸林迪安向大家介紹Venus小名叫「天天」，鼓勵愛女無論遇到咩困難都要努力克服，好好表現自己。校長向觀眾介紹Venus爸爸係武術導演，形容Venus「虎父無犬女」，三哥就希望各位觀眾畀多啲支持Venus，阿峯就形容Venus「唱跳俱佳」。 

Venus爸爸林迪安向大家介紹Venus小名叫「天天」，鼓勵愛女無論遇到咩困難都要努力克服。

Venus嘅打氣團就有譚詠麟、胡杏兒、苗僑偉、林峯、陳小春、羅家英、何家勁、黃日華、陳國坤等有出鏡。

而Carman就有孫耀威、任賢齊、黃百鳴、林國斌、「筷子基」陶大衛、陳欣健、張耀揚做打氣團，孫耀威睇好Carman經過節目磨練後會喺成為全能藝人嘅路上越嚟越近，小齊就叫Carman要好好享受舞台，而陳欣健就話睇住Carman從女團成員成長，不斷爭取每個表演機會，所以相信佢已經做好準備迎接事業上更大突破。 

Carman就有孫耀威、任賢齊、黃百鳴、林國斌、「筷子基」陶大衛、陳欣健、張耀揚做打氣團。

兩位小花獲得多位前輩鼓勵支持，相信亦會不負所望，出盡全力表現，而節目嘅「特邀推薦官」陣容亦非常華麗，位位都係大家熟悉嘅香港演員，其中包括黎耀祥、高海寧、歐陽震華、楊茜堯、滕麗名、吳卓羲、羅子溢、林曉峰，令觀眾好期待睇到一眾學員同前輩嘅交流！

節目「特邀推薦官」黎耀祥、高海寧、歐陽震華、楊茜堯、滕麗名、吳卓羲、羅子溢、林曉峰。