馮允謙蛇年工作忙未計劃結婚 早已得知雲浩影T-Ma了解當中

馮允謙喺新春期間返咗加拿大三個禮拜同家人過年，而呢個假期令佢叉足電回港工作，不過首要任務係要減磅，至於令佢心廣體胖嘅原因應該係可以同居於加拿大嘅女友拍拖，兩個人不停外出食好嘢。

馮允謙放完3星期新年假期，再返港繼續搏殺
被問到今年會否好事近拉埋天窗時，Jay Fung話今年未有結婚計劃，因為同公司傾工作時，都知道會好忙，佢話如果結婚一定公開，不過習慣私事較低調，所以有好消息會公布。
又指今年會先繼續專注工作，婚事未有新進展，有計畫一定會公佈

雲浩影近日承認同音樂監製T-Ma了解當中，身為兩人朋友嘅Jay Fung話知道呢件事，不過唔會八卦對方感情事，若果有好消息會祝福，但平時跟T-Ma合作只談工事，亦唔擔心對方因為拍拖而影響工作，因為佢認識嘅T-Ma係好規律嘅人。

仲話對師妹雲浩影嘅感悄事略有所聞